image image image image
Grand Opening GBKP Runggun Cikarang GBKP Cikarang yang telah disyahkan menjadi Jemaat/Runggun pada sidang GBKP klasis Jakarta-Bandung tanggal 10-12 Oktober 2014 di Hotel Rudian-Puncak,
PEMBINAAN BP RUNGGUN – RAMAH TAMAH TAHUN BARU – PENCANANGAN TAHUN PENINGKATAN SOSIAL EKONOMI DAN BUDAYA JEMAAT Pada tanggal 10 Januari 2015 di GBKP Runggun Bekasi telah di laksanakan kegiatan Pembinaan BP Runggun di Klasis Jakarta-Bandung. Kegiatan yang dimulai pukul 08.00 Wib diawali kebaktian pembukaan oleh Pdt. Alexander Simanungkalit,
WISATA LANSIA GBKP KLASIS JAKARTA-BANDUNG KE BANGKOK-PATTAYA Wisata Lansia yang menjadi salah satu program Bidang Diakoni GBKP Klasis Jakarta-Bandung telah dilaksanakan tanggal 8-11 Desember 2014 ke Bangkok-Pattaya. Wisata yang diikuti 47 peserta ini di damping Kabid Diakonia, Dk. Ferdinand M. Sinuhaji dan Pdt.S.Brahmana.
PEMBUKAAN SIDANG KERJA SINODE (SKS) DAN SIDANG PROGRAM & KEUANGAN (SPK) TAHUN 2014 Pembukaan Sidang Kerja Sinode (SKS) dan Sidang Program dan Keuangan (SPK) tanggal 22-25 Oktober 2014 telah dilaksanakan pada pukul 10.00 Wib, di dahului kebaktian pembukaan yang dipimpin Pdt.Vera Ericka Br.Ginting, direktur Percetaken dan Toko Buku GBKP Abdi Karya Kabanjahe,

Khotbah Kejadian 1:28-29, Minggu 25 Juni 2017

Invocatio :
“Tangan yang lamban membuat miskin,tapi tangan orang rajin menjadikan kaya” (Amsal 10:4).
 
Bacaan :
Kolose 3:22-25

Tema :
Bekerja adalah perintah Tuhan
 
 
A.Pendahuluan
Banyak orang merasa bahwa pekerjaan yang mereka tekuni sekarang adalah terasa berat dan membosankan sehingga bekerja tidak lagi menjadi sukacita dalam hidup mereka.Keadaan ini membuat manusia menjadi lelah dan tertekan karena tuntutan dari pekerjaan di lakukan.Mengapa kita harus bekerja?Apa yang menjadi latar belakang atau alasan kita bekerja? Memahami alasan serta latar belakang kita bekerja sangat penting untuk membantu kita melakukan pekerjaan dengan sebaik mungkin serta menentukan prioritas,sasaran serta tujuan yang ingin kita capai melalui pekerjaan tersebut.Dengan pemahaman yang benar tentang bekerja akan memotivasi kita terutama pada masa-masa dimana bekerja adalah melelahkan,membosankan ataupun saat-saat dimana bekerja itu sesuatu yang dipaksakan atau suatu keharusan.

Kalau bekerja dihubungkan dengan Alkitab,maka akan kita temukan bahwa manusia dirancang Allah sebagai mahluk yang bekerja.Dengan kata lain bekerja adalah perintah Allah sejak manusia pertama diciptkan.Menurut Alkitab Allah yang menciptakan manusia yang segambar dengan diriNya adalah Allah yang bekerja Kej.1:28-29;Ul 5:13 adalah perintah untuk bekerja.
 
B.Pendalaman Teks
1.Kolose 3:22-25
Dalam kolose 3:22-25 Paulus menekankan 2 hal penting kepada jemaat kolose yaitu:Pertama bekerja adalah ibadah kepada Tuhan.Hal itu menepis anggapan bahwa pekerjaan bukanlah hal yang rohani.Banyak orang beranggapan gereja ya gereja,kerja ya kerja,keduanya terpisah,sehingga kalau di gereja benar dan penuh kasih dan kalau lagi bekerja boleh tidak benar dan tidak ada kasih.Kedua Bekerja adalah pelayanan kepada Kristus, kita adalah pekerja Kristus,oleh karena itu seharusnya kita menjadi pelayanNya di tempat kerja,bekerja menjadi lahan untuk memuliakan Kristus.Dengan pemahaman diatas sebagai orang yang percaya kepada Kristus,Paulus mengatakan sikap yang seharusnya kita miliki yaitu:1) Taat kepada pimpinan dalam segala segala hal.Di tempat kerja merupakan suatu keharusan taat kepada pimpinan selama ketaatan itu bukan dosa.Memang hal ini terkadang sulit,namun tuntutan kita sebagai pekerja Kristus harus lebih diutamakan.2)Bekerja dengan memberi yang terbaik.Sebagai pekerja Kristus sudah semestinya kita bekerja dengan sebaik-baiknya,karena buah pekerjaan itu tidak hanya ditujukan untuk pinpinan tapi juga untuk Tuhan.3)Bekerja dengan takut akan Tuhan. Takut akan Tuhan adalah kehidupan yang berintergritas,bekerja dalam kebenaran dalam kekudusan dan kejujuran.Tuhan turut menilai buah dari pekerjaan kita.

2.Kejadian 1:28-29
Setelah Allah menciptakan manusia menurut gambar rupaNya,kini Allah memberkati dan memberi mandat kepada manusia.Kata kerja yang dipakai dalam kata “Allah memberkati mereka” adalah “wayvarekh” yang diterjemahkan “Dia telah memberkati”.Perkataan selanjutnya adalah “Beranak cucu lah dan bertambah banyak,penuhilah bumi.Berkat Allah atas manusia yaitu beranak cucu dan bertambah banyak,sama seperti ciptaanNya yang lain.Selanjutnya Tuhan memberitahu kepada manusia,”taklukkan lah itu, berkuasalah atas ikan-ikan di laut dan burung-burung di udara dan atas segala binatang yang merayap di bumi”.Ketika Allah memberikan mandat kepada manusia dan berkata taklukkanlah dan berkuasalah mengandung arti harafiah “tundukkanlah dan memerintahlah yang memiliki arti bahwa kuasa dan kemampuan untuk memerintah tersebut diberikan kepada manusia yang sudah diciptakan menurut gambar dan rupa Allah yang menjadi wakil Allah diatas bumi.Dengan demikian manusia digambarkan sebagai pengelola yang memelihara dan melindungi ciptaanNya.Kekuasaan yang diberikan kepada manusia sebagai yang mewakili Allah yang bertugas memelihara ciptaan Penciptanya.Kekuasaan itu bukan mengeksploitasi ciptaanNya,melainkan penatalayanan seorang pengelola yang bertanggung jawab,yang mengakui bahwa segala sesuatu diperoleh dari tangan Allah.

Mandat yang diberikan Allah bagi manusia untuk megelola ciptaanNya dikuti dengan perkataan “Lihatlah, Aku memberikan kepadamu segala tumbuh-tumbuhan yang berbiji di seluruh bumi dan segala pohon-pohonan yang buahnya berbiji,itulah yang akan menjadi makananmu” (ay.29).Hal ini menunjukkan bahwa sejak awal penciptaan Allah sebenarnya memberikan segala fasilitas bagi manusia.Segala tumbuhan dan pohon yang buahnya berbiji adalah menunjukkan ketersediaan kebutuhan makanan yang tidak akan habisnya karena biji itu bisa ditanam untuk menghasilkan buah.Dengan demikian manusia tidak akan mati kelaparan,Allah ingin manusia bisa memanfaatkan dan menikmati berkat yang sudah Ia sediakan.

C.Aplikasi
Tema kita adalah Bekerja adalah perintah Tuhan,hal ini memberi pengertian kepada kita bahwa manusia memang dirancang Allah untuk bekerja.Tubuh jasmani kita juga sangat mendukung untuk senantiasa melakukan aktivitas bekerja.Ketika Allah menciptakan manusia,Ia tidak hanya mencipta,melainkan mempunyai tujuan,agar manusia menjadi rekan sekerjanya dibumi (Kej 1:26).
Bekerja merupakan hakekat kemahlukan manusia.Menurut Verkuyl yang dikutip oleh Eka Darmaputra dalam bukunya:Etika sederhana untuk semua;bisnis ekonomi dan penatalayanan mengatakan bahwa manusia itu harus bekerja,agar dapat memenuhi kebutuhan hidupnya,tidak hanya bertalian dengan dosa dan kutuk yang menimpa bumi melainkan juga termasuk tata asali Allah.Istilah antropologi “homo faber” artinya manusia sang pembuat (maker).Dengan tangannya manusia membuat perkakas kerja (teknologi)lalu dengan perkakas itu ia mengubah diri dan dunia sekitarnya (bnd. invocatio).Dengan demikian bekerja bukan hanya sebagai suatu keharusan atau paksaan tetapi merupakan hakekat manusia.Paulus berkata dalam 2 Tes.3:10b bahwa jika seseorang tidak mau bekerja,janganlah ia makan.Paulus ingin mengatakan bahwa inilah pandangan orang Kristen tentang bekerja.Ungkapan ini menekankan kehendak “jika seseorang menolak bekerja dan selanjutnya buah dari penolakan itu,ia tidak akan makan apapun”.Hal ini menjelaskan bagi kita bahwa kita tidak boleh menjadi pemalas tapi harusnya menjadi pekerja.

Untuk mewujudkan bahwa kita manusia adalah segambar dengan Allah dengan cara bekerja sebaik mungkin mengikuti teladanNya.Kita bekerja bukan sekedar mendapatkan upah untuk diri kita sendiri tapi melalui pekerjaan kita bisa melayaniNya.Bekerjalah selagi kita masih mampu melakukannya dan jangan hanya mewariskan harta kepada anak cucu kita tapi wariskan juga kepada mereka semangat dan motivasi untuk bekerja.

Pdt Rena Tetty Ginting
GBKP Bandung Barat
   

Suplemen PA Moria tanggal 11-17 Juni 2017, Ogen Yohanes 4:21-41

Tema :
Moria si erberita

Tujun :
- Niksiki perubahan si jadi ibas diberu Samaria erkiteken perjumpanna ras Yesus.
- Tetap muat bagin ibas pelayanen gereja (Tri Tugas Gereja)
 

1. Yohanes 4 : 1-42 . Eme ibere judul Y esus ras sekalak Diberu samaria menceritakan kuga Yesus jumpa ras sekalak diberu Samaria i Sumur sini gelari sumur Jakup.
Janah perjumpan enda labo i atur-atur tapi sada kebetulen. Ija Yesus ras ajar ajarNa erdalan niari kuta kuta emaka lewat ia arah kuta samaria. Sementara kalak Samaria eme si tuduh kalak Jahudi kafir entahpe kalak perbegu . Emaka kalak Jahudi labo ngit jumpa ras Kalak Samaria, bahkan mentasi kuta na e pe , haram bagi Jahudi anak kuta Samaria. Tapi Yesus la merasa risih mentasi kuta Samaria, sebab tugasNa eme ndarami sipapak / bene, pepalem sisakit, ras mpegegeri silemah . Emaka iajakNa ajar-ajarna mentasi kuta samaria / Janah Yesus ngadi ka ikuta e sebab lit sumur inganna ngadi-ngadi. Tapi la isangka –sangka waktu Yesus kundul nimai ajar-ajarNa ngelegi nakan, reh sekalak diberu ngelegi lau ciger –ciger. Enda sada hal si aneh ngenin diberu e, biasana kalak ngelegi lau adi la erpagi-pagi karaben. Tentuna pasti lit masalah diberu enda maka bage, diantarana ganti ganti pasangen ( enggo lima kali ganti) sada pe la resmi istilahna kumpul kebo (ayat 18).
 
2. Ibas persoalen si lapernah akapna puas, emaka ibabai Yesus ia alu kata-kata kebenaren ibas Dibata nari. O bibi , teklah kam man bangku, maka lanai bo pagi ideleng isembah kalak Dibata, bagepe lanai bo pagi i Jerusalem ( ayat 21). Yesus mulai muka pusuh diberu ndai gelah tuhu-tuhu kal itandaina ise kin Tuhan Yesus e, sinelamatken ia, emaka Yesus terus terang man ia maka Ia me Juruselamt si ijanjiken Dibata. Sada kehagaan man diberu ndai , sebab Ia enggo jumpa ras mesias ndai .  Enggo jelas kal itandai diberu e Yesus, janah lit pertobaten ibas ia , emaka ia pe enggo sadari , nadingken si la mehuli sedekah enda, ngganti ken ku si mehuli, alu erberita man anak kutana (Ayat 28-29). Erina diberu ndai enggo itandaina ras ialokenna Yesus, emaka lape erberita ka man anak kuta.  Ternyata adi erbahan simehuli ate ipasu-pasu Dibata, bagi diberu ndai, mis tek anak kutana. Ija sedekah enda diberu ndai jadi buah bibir , enggo jadi penginjil. Anak kuta endape berkat guna junpa ras Yesus. Ban riahna ras mekuah ate Yesus piahna man pe lanai sempat ( ayat 31-32).
Yesus ngataken maka Panganku eme ngikutken peratan Bapangku. Tole nina Yesus : “ Page enggo megersing ibas juma e guna i perani “ (Ayat 35). Kusuruh kam rani ijuma si la kama ndahisa . Yesus ngingetken man gereja harus hidup, dingen darami siman peranin gelah banci pulung ras Tuhan Yesus. Bahkan iajukna pe Yeusu kesilang irumahna. Emaka serentak anak kuta e ngataken “ kami enggo tek gundari, labo erdandanken kai si ikatakenNdu, tapi erdandanken kami jimne enggo megi pengajarenNa, enggo idahna kemulian.

3. Kita sebagai gereja/ Moria enggo alokendu Yesu emaka kampe harus ikut muat bagin ibas dahin erberita simeriah. Wajib hukumna haruska erberita nandangi kalak sideban, arah kata, toto bagepe perbahanen swari-wari. Nina Yesus laweslah beritaken berita simeriah e, janah ajari ia guna ngikutken singena ateKu. (Matius 28 : 16-20). Gundari erberita simeriah lanai bo kita ngeranai tapi arah pengkebet ras perbahanen. Gundari nilai kalak kita arah kai sidalanken, sebab kuan-kuan karo “ Cakap labo lako mbal”. Bagepe ende-endenn karo “ Rupa baban kutiga ngenca, tapi lagu sikata tuhuna.” Emaka radu ras kita kerina muat bagin ibas erberita simeriah, kuta bagepe kota, gelah reh warina reh terema kalak nandai rasa ngaloken Yesus .
 
Selamat er PA Moria

Pdt Andarias Brahmana
   

Suplemen PA Mamre tanggal 11-17 Juni 2017, Ogen : Pilipi 2:1-4

Tema :
Sisampat-sampaten
 
Tujun :
Mamre reh ngasupna nehken kekelengen arah peningkatan ekonomi
Mrtode : Brainstorming (curah pendapat)
 
 
I.Kata Penaruh
Pilipi eme sada kota besar si menjadi pusat kegiaten perdagangen si maju, tapi labo jadi sada kota si terkenal perban standar moral pendudukna kurang baik. Surat Pilipi merupaken sada surat rasul Paulus siisina kerna ungkapen ‘ucapan terima kasih’ rasul Paulus siikirimken arah Epafroditus ku gereja Pilipi kerna pemere sienggo ikirimkenna sanga rasul Paulus i bas penjara i Roma. Paulus pe nerangkenca kerna tertundanya perdalanen Epafroditus si jadi utusen gereja Pilipi, ras guna membangkitken semangat kalak sierkiniten gelah banci sisampat-sampaten gelah teridah kiniersadaan i bas perpulungen.Tema penting i bas surat enda eme Jesus Kristus ras ‘pelayanan Injil’/Berita si Meriah. Kristus eme Berita i bas pelayanenta ras si jadi usihen, memotivasi ras kinibayaken kalak si tek. Bagepe penekanen kerna tetap meriah ukur/Sukacita walau pe ngaloken tantangen-tantangen i bas mritaken kerna kinulin si engo ibreken i bas Jesus Kristus. Sebab ‘Sukacita dari Tuhan’ eme sada gegeh i bas pelayaen kalak si tek (bnd. Nehemia 8:10)
 
II. Uraian Teks/Tafsiren
I bas Pilipi 2:1-4 enda merupaken bagin surat Paulus man perpulungen/gereja i Pilipi ija Paulus mpersingeti perpulungen/gereja e kerna bahaya si banci mengancam perpecahen perpulungen. Sebab banci jadi i bas nambahna semangat pelayanen si ilakoken perpulungen e maka ‘rentan’ kerna perpecahen, turah semangat mementingken diri sendiri. Emaka i bas ayat 1, Paulus nuriken kerna kebutuhen kinersadaan ras persekutuan si lebih mengegeh i bas perpulungen Pilipi, sebab “kegeluhenndu i bas Kristus erbahanca kam megegeh”, perpecahen eme sada penolaken kerna sura-sura ras tujun Kristus. Kalak si enggo ngaloken pasu-pasu ras keleng ate Dibata wajib mpepalerkenca man kalak si deban (bnd. 1 Yoh. 4:7-12). Kalak si tek si enggo iperembakeken i bas Kesah Dibata harus banci ersada. Sebab i bas keleng ate Dibata erbahanca kerina anak-anak Dibata saling memperdiateken. Adi kerina e enggo lit maka jadi sada keriahen kal i bas Paulus (ayat 2 ; 4:1). (ayat 3) Kerangapen ras ukur menganjang eme ‘musuh’ i bas perpulungen ras penghalang kiniersadaan. Lit 2 dalan si banci ilakoken gelah tetap banci ersada eme, sipemena mpeteruk ukur ras ‘menganggap’ kalak si deban lebih utama asangken diri sendiri alu tetap mperdiateken kemampuan ras talenta-talenta kalak si deban sebab kerina jelma lit kelebihen ras kekurangenna (bnd. Roma 12:10). Sipeduaken (ayat 4) membiasaken diri guna rukur ras ncakapken kerna keperlun/kepentingen kalak si deban ola kepentingen sendiri (bnd. Roma 15:2-3; 1 Kor. 10:24, 33; Gal. 6:2). Enda me syarat si penting guna melayani kalak si deban ras mpertahanken kiersadaan i bas perpulungen/gereja gelah Dibata tetap banci termulia (bnd. Epesus 4:1-3). Sebab gereja/perpulungen banci ‘pecah’ labo perban ‘doktrin’ si lit tapi ‘kepentingen sendiri’ lebih penting ras la ngikutken ‘jejak’ Kristus.

III. Aplikasi
Kristus eme usihen i bas kegeluhen ras pelayanen Kristiani perban si utama IA lebih ngukuri ras mperdiateken jelma si deban asangken diriNya sendiri. Arah Kata Dibata enda ngajuk Mamre uga maka banci ras ngasup lebih mperdiateken kepentingen kalak si deban asangken kepentingen sendiri. Salah sada tugas gereja eme diakonia=pelayanen, si wujudna labo hanya pelayanen kerna sakit penyakit secara fisik perpulungen tapi pelayanen uga maka banci perpulungen e sejahtera i bas ekonomina. Sebab adi sehat ia secara fisik ras ‘ekonomina’ maka dampakna man gereja pe banci erdalan lebih mehuli.

Pustaka si Badia pe ngerana kerna pembebasen man jelma si tertindas ras mesera baban geluhna contohna diberu mbalu-balu, anak melumang, kalak si tertaban ras sidebanna. Hal enda simenjadi dasar gereja guna ncidahken ‘sikap praktis pembebasen’. Tep-tep perpulungen ras gereja simenyadari tugas ras tanggungjawabna selaku anak-anak Dibata si enggo iselamatken i bas Kristus harus erbahan sada pembebasen man kerina jelma/perpulungen si latih baban geluhna. Gereje la banci hanya diam ras pasif, tapi gereja banci jadi jalan keluar perpulungen guna ndatken kegeluhen si layak ras sejahtera.

Model diakonia transformatif gereja banci jadi sada dalan keluar guna wewujudken tugas ras tanggungjawab panggilanna selaku gereja. Sada wujud pengaplikasian diakonia transformatif eme terbentukna koperasi alu harapen maka perpulungen banci nambah ‘kreatif ras berinovasi’ i bas pengembangen diri guna meningkatken kesejahteraan jabuna. Hal enda semakin i dukung arah litna MEA (Masyarakat Ekonomi Asean) si banci mbuka kesempaten ‘lebih luas’, alu e mreken ‘motivasi’ man perpulungen guna ‘mengali lagi’ potensi si lit i bas dirina dalam rangka persaingen i dunia global khususna i negara-negara Asia. Iharapken arah keina e (koperasi ras MEA) semakin menigkatken kesejahteraan perpulungen sibanci erdampak ku peningkaten pertumbuhen gereja.
 
Pdt. Mulianta Enaria Br Purba
Rg. Cibubur
   

Suplemen PA Mamre tanggal 04-10 Juni 2017, Ogen : I Timotius 4:12-16

Tema :
Erlajar Sebage Pemimpin

Tujuan :
Gelah Mamre
• Mpersiapken dirina jadi pemimpin i bas keluarga, gereja ras masyarakat
• Meteh prinsip kepemimpina kristen
• Berupaya mperlengkapi diri jadi kader-kader pemimpin si mehuli ras ertanggung jawab i bas geluhna (keluarga ras pendahin si ijujurken Dibata.
 
 
I.Kata Penaruh
Surat 1Timotius enda eme sada surat pelayanen, mbetehken man pemimpin-pemimpin ras perpulungen kerna cara geluh i bas kebersamaan selaku perpulungen Tuhan i kota e (1Tim. 3:15). Emaka Paulus nekanken kerna ‘pemberitaan kebenaran’ (pasal 1,4), uga cara ertoto (pasal 2), ras uga milih pemimpin-pemimpin si berkualitas (pasal 3). Sura-sura Paulus eme ngidah ‘anak rohaninya’ ertanggung jawab selaku pemimpin Kristen ras sura-surana e gelah ibas kerina siilakoken Timotius tuhu-tuhu banci jadi usihen/Teladan man perpulungen si ngarapken kepemimpinenna (1Tim. 4:12). Sebage penutup Paulus mereken nasehat kerna cara ngelai perpulunegen si erbage-bage biakna (pasal 5-6).
 
II. Uraian Teks/Tafsiran
Alu terus terang Paulus ngataken man Timotius, bahwa panggilenna jadi pelayan/serayan Kristus ituntut kesetiaanna baik i bas geluh pribadina bagepe i bas pelayanenna man perpulungen Kristus. Timotius harus hati-hati i bas nuriken Kata Dibata si benar bagepe erguna ras ngelakokenca sue ras Kata Dibata. I bas pelayanen e pe harus lit kedisiplinen sebab pelayanen man Kristus ituntut harus sepenuhna gelah pelayanen e lit ulihna la hanya man sibegikenca tapi sinurikenca pe erguna.

Ayat 12, Paulus ngigetkenca man Timotius walau pe usia Timotius nguda denga paksa sie la banci jadi alasan man kalak si deban guna ‘meremehken/menganggap rendah’ pelayanen siilakoken Timotius (bnd. 1 Korintus 16:10,11), bahken i bas sie Timotius harus ngasup ncidahken dirina jadi Teladan man kerina jelma (Pilipi 3:17 ; 2Tesalonika 3:9). La hanya i bas pengajarenna tapi i bas perbahanenna tuhu-tuhu erpalasken keleng ate ras kesetiaan hanya i bas Kata Dibata.

I bas ayat 13, selaku serayan si enggo ipilih Dibata guna ngelai perpulungenNa, Timotius pe harus ngasup terus menerus mereken perhatiin kerna telu tanggung jawab si utama, eme : ngogeken Pustaka Si Badia man perpulungen, mereken semangat ras nasehat sue ras Pustaka Si Badia siituriken, bage pe ajarken/’Katekisasi’ (bnd. Lukas 4:16-21; Perb. Rasul 13:15 ; 15:21 ; 17:2,3).

Ayat 14, Timotius la banci ngelupaken bahwa ia enggo ngaloken pemere Dibata/karunia guna ipakeken i bas pelayanen, sue ras arti gelarna eme ‘orang yang saleh, orang yang menghormati Tuhan’. Kengasupen guna melayani si enggo ibreken Dibata tetap memerluken kerja sama manusia guna ndalankenca (bnd. Pilipi 3:12-13 ; 2Timotius 1:6). Sebab Timotius enggo ngaloken jaminen e alu dua kesaksian si saling melengkapi eme Kata Dibata si enggo inubuatken nabi-nabi ras penagkuhen (bnd. Perb. Rasul 13:1-3). Emaka selaku pelayan Timotius harus tuhu-tuhu mereken dirina gelah lit kemajun i bas pelayanen e (ayat 15), kemajun e harus nyata man kerina jelma bahwasana ia banci berkembang i bas sifat pribadina ras penngajaren si ialokena banci erbahanca ia geluna pe berkualitas. Hal-hal si bage si harus ilakoken Timotius terus-menerus (adanya ketekunan) arah pengajaren si iturikenna. Maka jaminen keselamaten e banci ialokenna la hanya man Timotius tapi pe sibegikenca (ayat 16)/’Tetaplah kerjakan keselamatanmu’. Sebab selaku serayan Paulus ngingetkenca bahwa pelayanen man Dibata labo hanya i bas kata-kata saja tapi pe teridah arah perbahanen si harus sue ras kai siiajarken serayan e.
 
III. Aplikasi
Kepemimpinan eme sada hal siiperluken, sebab tampa sie banci terjadi kekacauan, bagi biri-biri si lalit permakanna ntah pe ‘domba tampa gembala’. Bage pe sekalak pemimpin harus mampu mpermakani, artina mengarahken, mendorong, menguatken ras menuntun si ipimpinna ku sada tujuan sijelas, radu ras ngerjakenca. Bagi kai siicidahken Paulus man Timotius (ogennta). Guna jadi sekalak pemimpin harus ipersiapken alu mehuli, sekalak pemimpin harus mereken dirina guna ipimpin Dibata sue ras kataNa (Yesaya 30:21) gelah ngasup guna nampati kalak siipimpinna (bnd. Lukas 3:31 ; 2Tawarikh 15:7).Emaka i bas sie Paulus ngingetkenca man Timotius selaku pemimpin jemaat ntah pe serayan Dibata, Timotius menghargai pemere Dibata si enggo ialokenna ras tetap setia iba dalan Dibata gelah pelayanenna tuhu-tuhu banci nampati kalak sideban ras jadi Teladan (bnd. Pengerana 9:10) man kalak si deban.

Pemimpin ‘sejati’ eme ngelai, bagi siikataken Yesus i bas Lukas 22:25-26 “Raja bangsa-bangsa si la nandai Dibata erbahan mesui ate bangsana janah si erkuasa ibahan gelarna ‘Teman kalak si nterem’. Tapi kam ola bage, kalak si mbelin i bas kam harus jadi si kitikna, janah si atena jadi pemimpin arus bali ras suruh-suruhen”. Cerita kerna Jesus si murihi nahe ajar-ajarNa (Johanes 13:1-20), seharusna jadi usihen /teladan man sekalak pemimpin si ‘berjiwa hamba’. Pemimpin si memiliki ‘hati hamba’ eme pemimpin si imotivasi keleng ate guna ngelai ras mereken teladan.

Bage pe sekalak pemimpin baik i bas gereja, organisasi, ingan pendahin, masyarakat, i japa pe harus nginget keterbatasenna bahwa sada wari kepemimpinenna harus iendesken man generasi penerus. Emaka penting kal mempersiapken generasi penerus e baik arah pelatihen ras kesempaten bage pe nasehat-nasehat (Amsal 15:22).

“Pemimpin yang melayani dengan jiwa dan roh akan membentuk karakter dari pemimpin itu menuju ke arah watak Kristus” (Albert Schweitzer)
 
Pdt. Mulianta E. Br Purba
Rg. Cibubur
   

SuplemenSuplemen PJJ Tgl 04- 10 Juni 2017, Ogen : Perngandungen 3: 22-24

Nats :
Perngandungen 3 : 22-24
Thema :
                      KELENG ATE TUHAN LA ERKERI-KERIN                                         
Kitab perngandungen eme kitab simelala erisiken puisi-puisi ceda ate erkiteken keruntuhen Jerusalem ras pembuangan. Aminna kitab-kitab e buen isina kerna ceda ate, tapi isuratken ka nge ije kiniteken man Dibata dingen pengarapen kerna wari-wari sipepagi. Puisi-puisi enda ipake kalak Jahudi ibas kebaktin pesta tahunen erpuasa ceda ate kerna kiniseran bangsa tahun 586 ope denga Kristus.
Ibas Pasal 3 : 1-66, I turiken penggejaben kerna perbeben siderpa kegeluhen bangsa Israel, bagi ukumen tempa iakapna bana kerna kiniseran-kiniseran sireh e, teridah arah penggejaben :
1.  Keadaan simberat tuhu-tuhu( 1-7 )
IgeraNa aku kugelapen…, iulih-ulihina rusur gudam aku…daging ras kulingku ipelepasNa kesip.., ierukNa aku bas penjara…, ipaksana aku nggeluh bas kegelapen kematen…, iketNa aku alu rante.
Kiniseran e ngkeleweti geluh bangsa Israel, tuhu-tuhu seh beratna… istilah peribahasa “ Sudah jatuh tertimpa tangga, dikejar anjing pula “. Perbeben e negu-negu kempak kekoten ras keputusaasaan, lanai tempa lit sierlayas nari bas geluhna.
 
2.  Ibas perbeben simberat bas pusuh tergejab tempa-tempa Tuhan la erdiate ras la nampati
( 8-13 ). Serko mindo penampat, tapi la diate Dibata megiken aku…, ling-ling batu ngolang-ngolangi kujapa pe aku nulih…, ipegestengNa anak panahNa janah aku ibahanNa jadi sasarenNa..ipanahkenNa anak panahNa kempak pusuhku.
 
Ungkapen enda ncidahken perbeben si reh man bangsa enda tempa iaturken Tuhan, harus jadi ngkenai bangsaNa, la lit dalan nilah. Perbeben e tempa iatanken/ijinken Tuhan jadi.
 
3.  Bas perbeben teman pe la jadi teman ( 14-20 )
Kepeken ibas perbeben sipertemani bangsa e pe lalit. Justru sinawa-nawai melala gedang-gedang wari, sipesega-sega ras sindedeh nge melala. Teman seharusna jadi penampat bas susah tapi sebaliklah teman pe la jadi teman. Emaka kai siperluken bangsa e kebutuhen utamana pe labo lit simperdiatekenca emaka nina penulis puisi enda nina : nggo lupa aku uga aku mejuah-juah, uga dame, uga malem ate. Inganku tading pe lanai lit, getem kel ukurku.
 
4.  Amin pe mberat perbeben peturahlah tetap pengarapen man Tuhan ( 22-24 bahan PJJ- nta )
 
-     Lenga bo keri keleng ate Tuhan, perkuah ateNa tetap nge lit. Keleng ate Tuhan e mbincar tep-tep erpagi-pagi, bali tetapna ras matawari si pultak arah Timur.
Kai pe sijadi bas kegeluhen, gia seh beratna perbeben tapi peturahlah pengarapen maka keleng ate Tuhan lenga bo keri. Adi mbincar denga matawari tep-tep erpagi-pagi berarti ibere Tuhan denga kita ngidah wari simbaru. Wari simbaru sialoken erkiteken ibere Tuhan denga kita nggeluh. Adi nggeluh denga kita berarti ipelihara Tuhan denga nge kita. Emaka ula mbiar ras ula aru ateta( Band. Matius 6: 25 )
 
-    Tuhan kap baginku emaka man baNa ngenca aku erpengarapen ( ibas bhs Indonesia : “ Tuhan adalah bagianku” kata jiwaku, oleh sebab itu aku berharap padaNya ). Penulis mengakui bahwa Tuhan adalah bagianku…berarti bersamaku, ada denganku dan di dalam aku. Erkiteken Tuhan ras kalak si lit bas perbeben emaka kalak singenanami perbeben la sekalak ngalakennca tapi ras Tuhan ngalakenca . Adi Tuhan ras kita emaka ngasup kita ngalaken kerina keadaan erkiteken kuasa siibereken Kristus man banta ( Band.Pilipi 4:13 ).
 
5.  Perbeben ras kiniseran melala derpa kegeluhen manusia. Banci jadi erkiteken bencana alam, ekonomi lemah, anak-anak sigutul, keluarga si la dame, sakit, ras sidebanna. Erpengarapenlah rusur maka bas susah, si gejab maka keleng ate Tuhan langa bo keri. Sebagai contoh : lit iderpa pinakit, mesui iakapTuhu latih ndalanisa, tapi peturahlah rusur pengarapen maka banci malem sebab ibas Tuhan, la lit si metahat. Adi kune pe la malem nehenlah uga Tuhan tetap erkeleng ate pengasup kita erdame ras pinakitta. Iinget sisakit e keleng ate Tuhan lit lalap arah kai sibanci sigejabkenna, umpamana la pernah tulpak biaya ertambar, lit rusur kade-kade si nungkuni kesehatannta, gereja pe rusur notoken ras ndahi ia. Mari sisaksiken maka keleng ate Tuhan langa bo keri, lit lalap seh rasa lalap. Amin
 
Pdt. Karvintaria br Ginting, STh
GBKP Rg. Klender-Klasis Jakarta Kalimantan
HP : 08126359640
   

Page 4 of 152

BP-KLASIS-XXX

"SELAMAT DATANG mengunjungi Web GBKP KLASIS JAKARTA-BANDUNG"

Renungan

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15

Pengunjung Online

We have 381 guests online