Suplemen PA Mamre tanggal 14-20 Februari 2016, Ogen I Raja-Raja 3:16-28

Renungan

Thema        : Pentar Muat Keputusen
 
 

1. Kenca enggo Salomo jumpa ras Dibata i Gibeon, janah ibas perjumpana ras Dibata, ipindona man Dibata kepentaren/hikmat, tapi Dibata mereken si lebihen asa kai sini ipindona eme :

  1. Kepentaren ras pengertin lebih asa kalak si leben tah pudin asa kam
  2. Kubereken kebayaken ras kemulian
  3. Gedang umur
  4. Ise pe lalit bagi kam ope ras kenca kam

(I Raja-Raja 3:10-14)

Erpalasken kai sinikataken Dibata enda maka Salomo memulai tugasna itengah-tengah kerajaan Israel si meserakal ngatursa. Tapi tek Salomo maka adi Dibata si nemani kegeluhenna maka ngasup ia ndahiken dahin e, sebab Dibata nge si milih ia guna nerusken amanah ibas Bapana nari Daud. Kepemimpinen e adi idalanken alu payo ras mehuli dingen ertanggung jawab maka Dibata banci mereken dalan keluar, hal enda me pe siniarapken Raja Salomo.

2. Erbahan keputusen si adil tentuna labo gampang, sebab adi erbahan keputusen it mis si merasa  diuntungkan tah pe dirugiken. Sebab megati ibas erbahan keputusen e iakap rusur la adil ras la jujur, tempa iakap berat sebelah. Apaika man kalak si  italuken. Hal enda me sini iperhadapken man Raja Salomo ibas ia memulai tugasna sebagai Raja. Janah  persadan enda iuji seh ija kin kemampuan Raja Salomo erbahan keputusen e, gelah apai pe la merasa korban atau dikorbankan bagepe la lit si merasa hebat jika ia menang. Emaka ibas kiningudanna sebagai pemimpin/Raja Isarel si peteluken, i uji kemampuanna erbahan keputusen e, tentuna labo gampang adi si idah persoalen enda ndai, sama-sama :

  1. Dahinna sari diberu perdengga
  2. Ia tading sada rumah
  3. Ia sama-sama melahirken anak (beda dua wari)
  4. Ia sama-sama medem radu ras anakna si mbaru lahir

Ibas sibagenda rupana sama-sama meriah kal ukurna, kempak ia erkiniteken se profesi. Tapi ibas ndatken kiniseran, e maka ateta nolak, emaka ibas tertindihsa anakna seh mate, emaka itukarkenna ras anak temanna, ertina ia la menerima kenyataan ibas perbahanenna sendiri, isalahkenna kalak sideban ibas perbahanenna si merugiken ia sendiri. Hal enda me megati ibas kegeluhen enda, kita ersalah kalak atena si ngenanamisa (kalak makan nangka kita kena pulutna).

Duana diberu enda ndai radu-radu keras, sada pe la nggit ngalah, pasti si paling keras eme si itindihina anakna e. janah ijenda me i uji kemampuan Raja Salomo sebagai pemimpin si enggo jumpa ras Dibata. Janah enda me persoalen siniihadapina kenca ia jadi Raja, emaka labo gampang.

3. Ibas persoalen enda me maka tanpa mindo gegeh man Dibata, labo ngasup ndahiken dahin e, tapi adi Dibata sebagai teman maka Dibata e erdahin guna nehken kai kin ate Dibata ibahan suruh-suruhenNa e. Emaka ibas situasi sibagenda me Raja ndatken pergegeh ibas Dibata nari. Dibata mereken pergegeh man Raja Salomo gelah Raja bijak, apai pe la jadi korban ras apai pe la merasa bangga.

Kebijaken Raja Salomo muat keputusen erbahanca reh si mehuli, mehuli man Diberu ndai duana, bagepe mehuli man jelma si enterem. Emaka nina salomo, buat pedang, belah duaken anak si nggeluh e, jenari bereken man diberu e tersembelah (I Raja-Raja 3:24-25)
Ternyata enda keputusen si fatal, tapi Dibata erdahin arah Raja Salomo seh maka kai sinibahan Salomo enda ngerehken sada rasa kasihan man nande sanak si tuhu-tuhu  e. Emaka nina, bereken anak e man ia, tapi si anakna mate e payo akapna. Berarti ia kejam. Lalit perkuah atena. Tapi sisada ndai dem perkuah ate, emaka  ulin akapna anak e nggeluh asa mate. Ternyata  arah enda Raja enggo beluh erbahan keputusen maka nande si dem perkuah ate enda me nandena si tuhu-tuhu. Bereken anak ena man ia‚Ķnina Raja. Payo kal maka ia me nandena si tuhuna.

4. Man banta Mamre pe haruslah bijak, jujur, mehuli erbahan keputusen, ula kal kita terpengaruh ku bas hal-hal duniawi, duit, perkade-kaden ras koleha. Tapi haruslah erbahan keputusen e erpalasken kuasa/pemeteh si rehna ibas Dibata nari, sebab adina Dibata si ban jadi penggurunta maka, ia mereken sada si mehuli guna erbahan keputusen si mehuli e.
Adi kita erbahan keputusen, maka ula min iakap kalak si menang ia hebat tah si kalah iakapna korban. Tapi radu ras nggejabken maka siniibahan e guna kiniulin si rehna ibas Dibata nari.

Salam,
Pdt. A. Brahmana
081317054961

 

Login Form